05 ශ්‍රේණිය ශිෂ්‍යත්ව විභාගයේ පළමු ප්‍රශ්න පත්‍රය පිටවී ඇතැයි කියන සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුවේ විමර්ශන අසම්පූර්ණ බවට තොරතුරු අනාවරණය වී ඇතිබව ශ්‍රී ලංකා මානව හිමිකම් කොමිසම පවසයි.
ඒ අනුව අදාල ගැටලුව සම්බන්ධයෙන් වන විමර්ශන කඩිනම් කරන ලෙස අපරාධ පරීක්ෂණ දෙපාර්තමේන්තුවට දැනුම් දුන් බව එම කොමිෂන් සභාව පවසයි.
ඒ අනුව පැමිණිලි ඉදරිපත් කළ දෙමාපියන්ගෙන් සාක්ෂි ක්‍රමවත්ව සටහන් කර ගැනීමට එක්ඟතාව පළ කර තිබේ.
අපරාධ පරීක්ෂණ දෙපාර්තමේන්තුවේ වාර්තාව ලැබෙන තෙක් ශිෂ්‍යත්ව විභාග ප්‍රශ්න පත්‍ර ගැටලුව සම්බන්ධයෙන් කිසිදු තීන්දුවක් නොගන්නා ලෙස ද අධ්‍යාපන බලධාරීන්ට දැනුම්දී ඇතිබව මානව හිමිකම් කොමිෂන් සභාව පවසයි.
සිසුන් තුන් ලක්ෂ විසිහතර දහසකට ආසන්න සංඛ්‍යාවක් මෙවර පහ ශ්‍රේණිය ශිෂ්‍යත්ව විභාගයට පසුගිය 15 වැනිදා පෙනීසිටියේය.