මෙරට අමෙරිකානු තානාපති කාර්යාලය ඉදිරිපිට විරෝධතාවයේ නිරත වූ පුද්ගලයින් 05 දෙනෙකු පොලිසිය අත්අඩංගුවට ගෙන ඇත.
ඊශ්‍රායල් – පලස්තීන යුද ගැටුම්වලදී අමෙරිකාව ඊශ්‍රායලයට සහාය පළකිරිම සම්බන්ධයෙන් විරෝධය පළකරමින් “ජන අරගල ව්‍යාපාරය” විසින් අදාළ විරෝධතාව සංවිධානය කර තිබේ.
තානාපති කාර්යාලය ඉදිරිපිට විරෝධතාවයේ නිරත වූ පිරිස් විසින් අමෙරිකානු ජනාධිපතිවරයාගේ ඡායාරූපයක් පුළුස්සා දැමීමට උත්සාහ කර ඇති අතර එහිදී ඇති වූ කලහකාරී තත්ත්වයත් සමග විරෝධතාකරුවන් 05 දෙනෙකු කොල්ලුපිටිය පොලීසිය අත්අඩංගුවට ගෙන තිබිණ.
ඔවුන් කොල්ලුපිටිය පොලිස් ස්ථානයේ මේ වන විට රඳවා සිටින බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසුවේය.