මීගමුව දිස්ත්‍රික් මහ රෝහලේ ප්‍රතිකාර ලබාගැනීමට පැමිණි තරුණියකට අතවර කළ බව කියන වෛද්‍යවරයා, වසර කිහිපයකට පෙර සිය සංගමයෙන් ඉවත් කළ අයෙක් බව රජයේ වෛද්‍ය නිලධාරීන්ගේ සංගමය පවසයි.
ඒ අනුව නිවේදනයක් නිකුත් කරමින් එම සංගමය සඳහන් කරන්නේ, අදාළ සිදුවීම සම්බන්ධයෙන් අපක්ෂපාති පරීක්ෂණයක් සිදුකර වහාම වැරදිකරුවන්ට නීතිය ක්‍රියාත්මක කළ යුතු බවයි.
සෞඛ්‍ය සේවාව තුළ පමණක් නොව සමස්ත සමාජය තුළම කාන්තාවන්ගේ ආරක්ෂාව තහවුරු විය යුතු බව තරයේ විශ්වාස කරන බවයි රජයේ වෛද්‍ය නිලධාරීන්ගේ සංගමය වැඩිදුරටත් සඳහන් කරයි.
අදාළ නිවේදනය පහතින්.
