ගිලන් රථ භාරකරු සහ එහි කාර්ය මණ්ඩලයක් විසින් මියගිය බව ප්‍රකාශ කළ රෝගියෙකු රෝහලේදී අවදි වූ සිදුවීමක් එංගලන්තයෙන් වාර්තා විය. සිද්ධියෙන් පසු සිදුවූ අතපසුවීම ගැන ඔවුන් සමාව අයැද තිබේ.
හඳුනා නොගත් පුද්ගලයෙකු සිකුරාදා ඩර්හැම් ප්‍රාන්තයේ ඩාර්ලින්ටන් අනුස්මරණ රෝහල වෙත ගෙන යන ලද්දේ පරිපූරක වෛද්‍යවරුන් විසිනි.
එම කණ්ඩායම එදින මෙම තැනැත්තා කිසියම් “සිදුවීමකින්” පසුව මිය ගොස් ඇතැයි සිතූහ.නමුත් රෝහලට පැමිණෙන විට රෝගියා ජීවතුන් අතර සිටින බව පෙනී ගියේය. ගිලන්රථ සේවය රෝගියාගේ පවුලේ අයගෙන් සමාව අයැද සිටි අතර, දෝෂය සම්බන්ධයෙන් පරීක්ෂණයක් ආරම්භ කර ඇත.පරිපූරක වෛද්‍ය අංශයේ අධ්‍යක්ෂ ඇන්ඩෘ හොජ් පැවසුවේ,
මෙම සිදුවීම පිළිබඳව අපව දැනුවත් කළ වහාම අපි පරීක්ෂණයක් ආරම්භ කර රෝගියාගේ පවුලේ අය සම්බන්ධ කර ගත්තා.මෙමගින් ඔවුන්ට සිදුවී ඇති අකටයුත්ත පිළිබඳව අපගේ බලවත් කණගාටුව ප්‍රකාශ කර සිටිමු. මෙම සිද්ධිය පිළිබඳ සම්පූර්ණ සමාලෝචනයක් සිදු කරමින් පවතින අතර මේ අවස්ථාවේ දී වැඩිදුර අදහස් දැක්වීමට අපට හැකියාවක් නැත.”යනුවෙනුයි.