ඇතැම් මාධ්ය නාලිකා අසත්ය පුවත් නිර්මාණය කිරීමට පටන්ගෙන ඇති බව ජනාධිපති අනුර කුමාර දිසානායක පවසයි.
සමාජය තුළ අරාජිකත්වයක් නිර්මාණය කිරීම සඳහා මාධ්ය නාලිකා මෙන්ම දේශපාලනයද කටයුතු කරමින් සිටින බවයි මාතර ප්රදේශයේ පැවති ජන රැළියක් අමතමින් ජනාධිපතිවරයා සඳහන් කළේ.
ඇතැම් මාධ්ය නාලිකා ආණ්ඩුව මුදල් අච්චු ගැසූ බවට මුලින් සඳහන් කර පසුව එය වෙනස් කළ බවත්, තවත් සමහර මාධ්ය නාලිකා ආරුගම්බේ සිද්ධියේ බුද්ධි තොරතුරු ලැබුණේ ඉන්දියාවෙන් බවත් පවසයි. එම තොරතුරු ලබාදෙන අයට ලක්ෂ 50 බැගින් මුදල් ද ලබාදුන් බවට සඳහන් කළ බවත්, ඒවා සම්පූර්ණ අසත්ය බවත් ජනාධිපතිවරයා ප්රකාශ කළේය.
ආණ්ඩුව මාස 03 ක් නොවන බවත්, රට ගොඩ නගා මිස ජාතික ජන බලවේගයේ ආණ්ඩුව නතර කළ නොහැකි බවයි ජනාධිපති අනුර කුමාර දිසානායක වැඩිදුරටත් සඳහන් කරන්නේ.