හලාවත සිට කොළඹ බලා ධාවනය වූ ත්‍රිරෝද රථයක් මාදම්පේ ප්‍රදේශයේදී බස් රථයක සහ ලොරි රථයක ගැටීමෙන් එකම පවුලේ තිදෙනෙකු ජීවිතක්ෂයට පත්ව තිබේ.
තලවිල දේවස්ථානයට ගොස් පැමිණෙමින් තිබූ ත්‍රිරෝද රථයක් මෙලෙස අනතුරට ලක්ව තිබේ.
ත්‍රිරෝද රථය මාළු පැටවූ ලොරි රථයක ගැටී පසුව බස් රථයක ද ගැටී අනතුර සිදුව තිබුණි.
අනතුරින් පසු බස් රථයේ රියදුරු සහ කොන්දොස්තරවරයා අත්අඩංගුවට ගෙන ඇති අතර, මාළු ලොරිය පළා ගොස් ඇත.
අනතුරින් තවත් කිහිපදෙනෙකු තුවාල ලබා ඇති අතර, අනතුර සම්බන්ධයෙන් වැඩිදුර විමර්ශන මාදම්පේ පොලීසිය පවත්වයි.