ඉන්දීය අග්‍රාමාත්‍ය නරේන්ද්‍ර මෝදි මහතා තව ටික වෙලාවකින් මෙරටට පැමිණීමට නියමිතය.
තායිලන්තයේ පැවැති බිම්ස්ටෙක් සමුළුවට සහභාගී වීමෙන් පසු ඔහු කටුනායක ගුවන්තොටුපලට පස්වරු හතයි තිහ පමණ වන විට පැමිණෙනු ඇතැයි අපේක්ෂාවෙන් සිටී.
තෙදින නිල සංචාරයක නිරත වන ඉන්දීය අග්‍රාමාත්‍යවරයා පිළිගැනීමේ නිල රාජ්‍ය උත්සවය කොළඹ නිදහස් චතුරස්‍රයේ හෙට පෙරවරු නවයට සිදු කෙරේ.
ඔහු පිලිගැනීම වෙනුවෙන් කොළඹ නගරය ඇතුළු ප‍්‍රදේශ රැසක් ඉන්දීය ධජ හා ඉන්දීය අගමැතිවරයාගේ පින්තූරවලින් සරසා ඇත.