පමුණුගම, උස්වැටකෙයියාව ප්රදේශයේදී නීති විරෝධීව බෝට්ටු මඟින් මෙරටට රැගෙනවිත් තිබූ කහ තොගයක් සමඟ සැකකරුවෙකු පොලිසිය අත්අඩංගුවට ගෙන ඇත.
එහිදී කහ කිලෝ 1,767යි ග්රෑම් 500ක්, බෝට්ටු 04ක් සහ කහ ප්රවාහනය සඳහා සූදානම් කර තිබූ බස් රථයක් අත්අඩංගුවට ගත් බවයි පොලිසිය සඳහන් කළේ.
එම වැටලීමේදී අත්අඩංගුවට ගෙන ඇත්තේ මීගමුව ප්රදේශයේ පදිංචිකරුවෙක් වන අතර සිද්ධිය සම්බන්ධයෙන් පමුණුගම පොලිසිය මඟින් වැඩිදුර විමර්ශන පවත්වයි.