බරපතළ වැඩසහිත වසර තුනක සිරදඬුවම් නියම වී සිටින හිටපු පාර්ලිමේන්තු මන්ත්රීනි හිරුණිකා ප්රේමචන්ද්ර ඇප මත මුදා හරින ලෙස කොළඹ මහාධිකරණය නියෝග කර ඇත.
ඒ අනුව හිරුණිකා ප්රේමචන්ද්ර විසින් ඉදිරිපත් කළ ඇප ඉල්ලීම සළකා බැලීමෙන් අනතුරුව මෙම නියෝගය ලබාදී ඇති බවයි සඳහන් වෙන්නේ.
2015 වසරේ දෙසැම්බර් 21 වනදා දෙමටගොඩ ප්රදේශයේ වෙළෙඳසැලක සේවය කළ අමිල ප්රියංක නැමති තරුණයකු කළු පැහැති ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තබා පහරදීම ඇතුළු චෝදනා 18කට වරදකාරිය කෙරුණු හිරුණිකා ප්රේමචන්ද්රට කොළඹ මහාධිකරණය විසින් බරපතළ වැඩසහිත වසර තුනක සිර දඬුවම් පසුගියදා නියම කර තිබිණ.