උපකාරක පන්තිය නොපැවැත්වීම නිසා වැලිගම ප්‍රදේශයේ විහාරස්ථානයකට ගිය පාසල් සිසුවෙකුට සහ සිසුවියකට එම විහාරස්ථානයේ විහාරාධිපති හිමි විසින් අමානුෂික ලෙස පහරදී මෙන් සිසුවා ප්‍රතිකාර සදහා මාතර රෝහල් ගත කර තිබේ.
එහිදී “දරුවාගේ ශරීරය අභ්‍යන්තරයේ කොටසකට හානි වෙලා. සැත්කමකට ගන්න ඕනේ කියලා වෛද්‍යවරුන් කිව්වා. සැත්කමට අරන් හිටියේ දැඩිසත්කාර ඒකකයේ. නෝනා කිව්වා දරුවාට ගහපු පාරක් තියෙනවා කියලා. දොස්තරලා කිව්වා… වැටුණු පාරක් නෙවෙයි ගහපු පාරක් කියලා.”
ඇති බව අදාළ සිසුවාගේ දෙමව්පියන් චෝදනා කරයි.
ඒ හේතුවෙන් එම සිසුවාට මෙවර සාමාන්‍ය පෙළ විභාගයට පවා පෙනී සිටීමට නොහැකි තත්ත්වයක් උද්ගතව ඇති බවද පැවසෙයි.
මේ අතර සිද්ධියට සම්බන්ධ භික්ෂුව අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ඇප මත මුදාහැර තිබේ.
මෙවර අධ්‍යයන පොදු සහතික පත්‍ර සාමාන්‍ය පෙළ විභාගය සඳහා පෙනී සිටීමට සූදානමින් සිටි වැලිගම ප්‍රදේශයේ පිහිටි පාසලක අධ්‍යාපනය ලබන සිසුවෙක් පසුගිය 25 වනදා විභාග අයදුම් පත්‍ර සඳහා අත්සන් තැබීමට යැයි පවසා නිවසින් පිටව ගොස් තිබුණි.
පසුව සිසුවා උපකාරක පන්තියකට සහභාගීවන බව පවසා ගොස් ඇති බවද වාර්තා විය.
එහිදී උපකාරක පන්තිය නොපැවැත්වීම නිසා ප්‍රදේශයේ පිහිටි විහාරස්ථානයකට සිය මිතුරියක් සමග ගොස් තිබේ.
එහිදී අදාළ විහාරස්ථානයේ විහාරාධිපති හිමි විසින් එම සිසුවාට හා ඔහු සමග ගිය මිතුරියට ඉදලකින් පහරදී තිබුණි.
පහරකෑමට ලක්වූ සිසුවිය,
“අපි දෙන්නා පන්සලට ගියා. විහඟ ඉදලක් අරන් ආවා අතුගාන්න. හාමුදුරුවෝ ආවා එද්දි මම අතුගගා හිටියේ. ඉදල අරන් හාමුදුරුවෝ විහඟට ගැහුවා. විහඟ දිව්වා ඉස්සරහට මමත් දිව්වා. අපි ඇහුවා ඇයි හාමුදුරුවනේ අපි දෙන්නට ගැහුවේ කියලා ? අපි වැරදි විදිහට හිටියේ නැහැනේ කිව්වා. ඊට පස්සේ මටත් කතා කරලා පහර දුන්නා.”
පහරකෑමට ලක් වූ සිසුවා අනතුරුව මාතර රෝහලට ප්‍රතිකාර සඳහා ඇතුළත් කර තිබේ.
පහරකෑමට ලක්වූ සිසුවාගේ පියා,”දරුවාගේ ශරීරය අභ්‍යන්තරයේ කොටසකට හානි වෙලා. සැත්කමකට ගන්න ඕනේ කියලා වෛද්‍යවරුන් කිව්වා. සැත්කමට අරන් හිටියේ දැඩිසත්කාර ඒකකයේ. නෝනා කිව්වා දරුවාට ගහපු පාරක් තියෙනවා කියලා. දොස්තරලා කිව්වා… වැටුණු පාරක් නෙවෙයි ගහපු පාරක් කියලා.”
පසුව පහරකෑමට ලක්වූ සිසුවාගේ පියා මේ පිළිබඳව පොලීසියට පැමිණිලි කර තිබුණි.
පහරකෑමට ලක් වූ සිසුවාගේ පියා,”පොලීසියට කිව්වා වැලිගම පොලීසිය එක්ක පන්සලට ගියා. හාමුදුරුවෝ හිටියේ නැහැ.”
පහරකෑමට ලක් වූ සිසුවාගේ පියා,”දරුවාට තවම කන්න බොන්න බැහැ. 6 වනදා විභාගේ. ඒක කරගන්න විදිහක් නැහැ. ඇඳට වෙලා ඉන්නවා ලෙඩෙක් වෙලා. දරුවා තවම ළමයෙක් ඔය වයසට ඔයවගේ වැඩ කරනවා. අපිට දැනුම්දෙන්න තිබුණා. මරන්න වගේ පාරක් ගහන එක නෙවෙයි යුතුකම. දරුවාට සාධාරණය කරන්න නම් උපරිම නීතිමය දඬුවම් දෙන්න.”