රජයේ පාලන මිලට රතු කැකුළු සහල් අලෙවි කිරීම අද අම්බලන්ගොඩ වෙළඳ සංගමයේ මෙහෙයවීමෙන් සිදුවිය.
ඒ අනුව කිලෝවක් රුපියල් 220ක් බැගින් එක් පුද්ගලයෙකුට සහල් කිලෝ 5 බැගින් ලබාදීමට කටයුතු කරන ලදී.
මෙම සහල් මිලට ගැනීම සඳහා උදෑසන කාලයේ පටන් ජනතාව පෝලිම්වල සිටියත් සහල් ප්‍රමාණය සීමා වීම නිසා බොහෝ දෙනෙකු හිස් අතින් ආපසු ගොස් ඇත.
රතු කැකුලු සහල් වලට වැඩි ඉල්ලුමක් ඇති දකුණු පළාතේ එම සහල් හිඟයක් පවතින අතර ඇතැම් වෙළඳ සල්වල පාලන මිල ඉක්මවා සහල් අලෙවි කරන බවද චෝදනා එල්ල වේ.
ඉන්දියාවෙන් ආනයනය කරන රතු කැකුළු සහල් ආහාරයට ගැනීමටද ඇතැම් පිරිස් අකමැත්ත පළ කරති.