නිමල් රාජපක්ෂ-
බලපත්‍ර නොමැතිව මත්පැන් අලෙවි කළ ආනමඩුව පුත්තලම් පාරේ පිහිටි ශර්මි රටබීම හලට සුරාබදු කොමසාරිස් ජෙනරාල් උදය කුමාර පෙරේරා මහතාගේ උපදසේ මත හලාවත සුරාබදු නිලධාරීන් ඊයේ (02 ) සීල් තබා ඇත.

හලවත සුරාබදු නිලධාරින් අදලා රටබීම හල ඊයේ පරික්ෂාවට ලක්කල අවස්ථාවේ එහි මත්පැන් බලපත්‍රය 2025-03-21 වැනි දි‍නෙන් අවසන් වී ඇති බවත් එය අලුත් කර ගෙන නොමැතිව මත්පැන් අලෙවි කරන බවට තහවුරු වී තිබේ.
අදාල සිද්ධිය ඒ මොහොතේම හලාවත සුරාබදු නිලධාරීන් සුරාබදු කොමසාරිස් ජෙනරාල් වරයාවෙත දැණුවත් කල අවස්ථාවේ වහාම සීල් තබනලෙන උපදෙස් ලබා දී ඇතැයි සුරාබදු මාධ්‍ය ප්‍රකාශක , නියෝජ්‍ය සුරාබදු කොමසාරිස් (අධ්‍යන හා පරීක්ෂණ ) රොෂාන් පෙරේරා මහතා පවසයි.
සුරාබදු කොමසාරිස් ජෙනරාල් උදය කුමාර පෙරේරා මහතා බලපත්‍ර ලාභියාගේ පෙරවැරදි සලකා බලා ඉදිරියේදි දැඩි දඩුවම් පැමිණ වීමට නියමිතය
හලාවත සුරාබදු අධිකාරී ජී.එස්.එම්.ටී.කේ .බී ගිනිගත්පිටිය මහතාගේ මෙහෙයවීමෙන් ,හලාවත සුරාබදු ස්ථානාධිපති , ප්‍රධාන සුරාබදු පරික්ෂක ධනුෂ්ක තිලකරත්න සුරාබදු නියාමක රියදුරු ඉන්දික බණ්ඩාර යන නිලධාරීහු මෙම වැටලිම සිදු කළහ.