ශ්‍රී ලංකාවේ නව අග්‍රාමාත්‍යවරයා ලෙස රනිල් වික්‍රමසිංහ මහතා ජනාධිපති ගෝඨාභය රාජපක්ෂ මහතා ඉදිරියේ දිවුරු දුන්නේය.

මේ වන විටත් රනිල් වික්‍රමසිිංහ මහතා අවස්ථා කිහිපයකදී එම ධූරයේ කටයුතු කර ඇත.

රණසිංහ ප්‍රේමදාස ජනාධිපතිවරයාගේ ඝාතනයෙන් පසු 1993 – 1994 කාලය තුළ ඔහු ප්‍රථම වරට අගමැති ධූරයට පත් විය. ඉන් අනතුරුව 2001 සිට 2004 දක්වා චන්ද්‍රිකා බණ්ඩාරනායක ජනාධිපතිනියගේ පාලන සමයේදී එක්සත් ජාතික පෙරමුණු රජයට නායකත්වය දීම සඳහා ඔහු අග්‍රාමාත්‍යවරයා ලෙස තේරී පත් විය

. 2015 ජනවාරි මාසයේදී ඔහු ජනාධිපති මෛත්‍රීපාල සිරිසේන මහතා තේරී පත්වීමෙන් සභාග ආණ්ඩුවේ අගමැති ලෙස පත් කරන ලදී. ඔහුගේ පත්වීම 2015 අගෝස්තු මහ මැතිවරණයේදී ශ්‍රී ලාංකික ජනතාව විසින් අනුමත කරන ලදී.

නැවත වරක්, 2018 දෙසැම්බර් මාසයේදී, 2018 ඔක්තෝම්බර් මාසයේදී ඔහුව නෙරපා හැරීමෙන් පසුව, ඔහුව අගමැති ලෙස පත් කිරීමට එවකට ජනාධිපති සිරිසේනට සිදු විය 2019 නොවැම්බර් මාසයේදී එක්සත් ජාතික පක්ෂයේ ජනාධිපති අපේක්ෂකයා පරාජය වීමෙන් පසු ඔහු සිය අගමැති ධූරයෙන් ඉල්ලා අස්විය