නවසීලන්තයට එරෙහිව පැවැත්වෙන දෙවන ටෙස්ට් ක්‍රිකට් තරගයේ කාසියේ වාසිය දිනූ ශ්‍රී ලංකා කණ්ඩායම ප්‍රථමයෙන් පන්දු යැවීමට තීරණය කළේය.
වර්ෂාවෙන් බාධා එල්ලවීම හේතුවෙන් තරග ආරම්භය පමා විය.
මේ අතර අද තරගයට නිරෝෂන් දික්වැල්ල වෙනුවට නිශාන් මධුෂ්ක කැඳවා ඇති අතර එය ඔහුගේ මංගල ටෙස්ට් තරගයයි.
ඔහුට හිමි අංකය 163යි.
මොරටු මහා විද්‍යාලයෙන් ක්‍රිකට් පිටියට පිවිසි නිශාන් මධුෂ්ක එංගලන්ත ලයන්ස් කණ්ඩායමට එරෙහිව මෙරටදී පැවති තරගාවලියේදී දැක්වූ දක්ෂතා හේතුවෙන් බොහෝදෙනෙකුගේ අවධානය යොමුවිය.
එහිදී ආරම්භක පිතිකරුවෙකු ලෙසින් පිටියට පිවිසි නිශාන් මධුෂ්ක අගනා ඉනිම් කිහිපයක් ක්‍රීඩා කළේය.
පළමු පෙළ තරගවලදී නිශාන් රැස්කර ඇති වැඩිම ලකුණු සංඛ්‍යාව 300කි.