හැටන් දුම්රිය ස්ථානයේ සිට නල්ලතන්නිය දක්වා ශ්‍රීපාද වන්දනාකරුවන් පිරිසක් රැගෙන ධාවනය කිරිමට හැටන් ලංගම ඩිපෝවේ බස් රථ රියදුරෙකු (19) දින රාත්‍රියේ සැක පිට අත්අඩංගුවට ගෙන පොලිස් ඇප මත මුදාහැර එම සැකකරුට මේ මස 25 වන දින හැටන් මහේස්ත්‍රාත් අධිකරණය හමුවේ පෙනි සිටින ලෙස උපදෙස් ලබා දුන් බව හැටන් මූලස්ථාන ප්‍රධාන පොලිස් පරික්ෂක රංජිත් ජයසේන මහතා පැවසීය.
ශ්‍රීපාදය වන්දනා කිරිමට (19) දින රාත්‍රියේ හැටන් දුම්රිය ස්ථානය වෙත පැමිණි වන්දනාකරුවන් නල්ලතන්නිය වෙත යෑමට ලංගම බස් රථයට ගොඩ වී ඇත.
එම අවස්ථවේ බස් රථයේ රියදුරා අධික ලෙස බීමත්ව සිටි බව වටහා ගත් වන්දනාකරුවන් ඒ පිලිබදව හැටන් පොලිසිය වෙත කල දැනුම් දීමක් මත වහා ක්‍රියාත්මක වු හැටන් පොලිසියේ නිළධාරින් බස් රථයේ රියදුරාව පරික්ෂාකර ඔහු බීමතින් සිටින බවට තහවුරු වීමෙන් පසු රියදුරාව සැක පිට අත්අඩංගුවට ගෙන ඇත.
හැටන් ලංගම ඩිපෝවෙන් වෙනත් රියදුරෙකු කැදවා වන්දනාකරුවන් පිරිස නල්ලතන්නිය දක්වා යැවීමට කටයුතු කල බවයි හැටන් මූලස්ථාන පොලිස් පරික්ෂක රංජිත් ජයසේන මහතා කියා සිටියේ.