රට තුල ඇති පොල් හිඟය තවත් මාස තුනක කාලයක් පවතිනු ඇති බව පොල් වගා කිරීමේ මණ්ඩලයේ සභාපති සමන් දේවගේ මහතා පවසයි.

ඔහු පෙන්වා දෙන්නේ පොල් වගාවට නිසි ලෙස පොහොර හා රසායනික වර්ග නොයෙදීම, සුදු මැස්සාගේ හානිය, අපනයනය සඳහා වියළි පොල් නිෂ්පාදනය ඉහළ යාම යන කාරණා හේතුවෙන් මෙම තත්වය ඇතිව තිබෙන බවයි.

අද වනවිට පොල් ඵලදාව සියයට 50 කින් පමණ අඩුවී ඇති බවත් වාර්ෂික පොල් නිෂ්පාදනය ගෙඩි මිලියන 3,000 ක් වන අතර ඉන් සියයට 60ත් 70ත් අතර ප්‍රතිශතයක් දේශීය පාරිභෝජනය සඳහා යොදා ගන්නා බව ද සභාපතිවරයා තව දුරටත් පැවසීය.

මේ අතර පොල් වෙලදුන් පවසන්නේ එළඹෙන දිපවාලි උත්සව සමයේ පොල් මිල තවදුරටත් ඉහල යනු ඇති බවයි.