මුල්කිරිගල – ගුණරත්න
මෙරට නිෂ්පාදිත ගල්කටස් වර්ගයේ ගිණිඅවියක් ලග තබාගත් සැකකරුවෙකු වීරකැටිය මීගස්ආර ප්‍රදේශයේදී තංගල්ල පොලිස් විශේෂ කාර්ය බලකායේ නිළධාරින් අත් අඩංගුවට ගෙන ඇත . අත් අඩංගුවට ගත් සැකකරු වීරකැටිය මීගස්ආරේ පදිංචි 36 හැවිරිදි පුද්ගලයෙකි . මෙම ගල්කටස් ගිණිඅවිය සැකකරුගේ නිවස පිටුපස වල දමා තිබියදී සොයාගත් බව පොලිසිය පැවසීය . සැකකරු වැඩිදුර පරීක්ෂණ සදහා වීරකැටිය පොලිසියට බාර දී තිබේ . ඔහු (2) වලස්මුල්ල මහේස්ත්‍රාත් අධිකරණයට ඉදිරිපත් කිරීමට නියමිතය . තංගල්ල පොලිස් විශේෂ කාර්ය බලකා කදවුරේ අණදෙන නිළධාරි ප්‍රධාන පොලිස් පරීක්ෂක බී.සී.එල්. මුණසිංහ මහතා ඇතුළු නිළධාරින් සැකකරු අත් අඩංගුවට ගෙන තිබේ .