මුල්කිරිගල ගුණරත්න
මෙරට නිෂ්පාදිත ගල්කටස් වර්ගයේ ගිණි අවියක් ලග තබාගත් සැකකරුවෙකු ඕකවෙල, මොදරවාන, වතුමුල්ල ප්‍රදේශයේදී පෙරේදා උදේ තංගල්ල පොලිස් විශේෂ කාර්ය බලකා කදවුරේ නිළධාරින් පිරිසක් විසින් අත් අඩංගුවට ගනු ලැබූහ .
සැකකරු පදිංචි නිවස අසල තනා තිබූ පොල් අතු මඩුවක මෙම ගිණි අවිය සගවා තිබියදී සොයාගත් බව පොලිසිය පැවසීය . අත් අඩංගුවට ගත් සැකකරු මොදරවාන වතුමුල්ල ප්‍රදේශයේ පදිංචි 63 හැවිරිදි අයෙකි .
ඔහු රැකියාව ලෙස ගොවිතැන් කරන අයෙකි . සැකකරු පිළිබඳව විමර්ශනයක් සිදුකර අධිකරණයට ඉදිරිපත් කිරීමට ඕකවෙල පොලිසියට බාරදුන් බව පොලිස් විශේෂ කාර්ය බලකායේ නිළධාරියෙකු පැවසීය .
සැකකරු ගිණි අවි ආ පණත යටතේ වලස්මුල්ල මහේස්ත්‍රාත් අධිකරණයට ඉදිරිපත් කරන බව පොලිසිය පැවසීය .
ඕකවෙල පොලිසිය සැකකරු ගැන වැඩිදුර පරීක්ෂණ පවත්වයි .