පක්ෂ නායක රැස්වීම ඊයේ පැවැති (26) අවස්ථාවේදී පුත්තලම් දිස්ත්‍රික්ක පාර්ලිමේන්තු මන්ත්‍රීවරයෙකු වන අලි සබ්රි රහීම් හට සිය කැමැත්තෙන් මන්ත්‍රී ධූරයෙන් ඉවත් වෙන ලෙසට යෝජනාවක් ඉදිරිපත් වී ඇත.
පාර්ලිමේන්තු මන්ත්‍රී එම්.ඒ. සුමන්තිරන් එම යෝජනාව ඉදිරිපත් කර තිබු අතර විපක්ෂයේ ප්‍රධාන සංවිධායක ලක්ෂ්මන් කිරිඇල්ල විසින් එය ස්ථිර කර ඇති බවත් , පාර්ලිමේන්තුවේ අනිකුත් මන්ත්‍රීවරුන්ගේ අත්සනින් යුතුව අදාළ යෝජනාව අලි සබ්රි රහීම් මන්ත්‍රීවරයා වෙත ලබාදීමට නියමිත බවත් සඳහන්.
පුත්තලම් දිස්ත්‍රික් පාර්ලිමේන්තු මත්ත්‍රී අලිසබ්රි රහිම් පසුගියදා මෙරටට නීතිවිරෝධී ලෙස රත්‍රං, දුරකථන රැගෙන ඒමේදී රේගු නිලධාරීන් අත්අඩංගුවට ගැනීමට කටයුතු කළ අතර පසුව රු. මිලියන 7.5 ක දඩ මුදලක් ගෙවීමෙන් පසු මුදාහැරීම යන කාරණය මුල් කරගෙන මෙම යෝජනාව ඉදිරිපත්ව ඇති බවයි වැඩිදුරටත් වාර්තා වෙයි.